ग्रॅहम थॉर्पने आत्महत्या केली ?

मृत्यूनंतर 7 दिवसांनी पत्नीचा खुलासा
लंडन
इंग्लंडचा माजी क्रिकेटपटू ग्रॅहम थॉर्प याचा गेल्या आठवड्यात मृत्यू झाला थॉर्प यांच्या मृत्यूनंतर 7 दिवसांनी त्यांची पत्नी अमांडा यांनी थोर्पने आत्महत्या केल्याचा खुलासा केला.
अमांडा यांनी माजी इंग्लिश कर्णधार मायकेल अथर्टनला दिलेल्या मुलाखतीत सांगितले की, थॉर्प खराब प्रकृतीमुळे नैराश्य आणि चिंतेने त्रस्त होता, त्यामुळे त्यांना आपला जीव गमवावा लागला. थॉर्प यांनी निधन होण्यापूर्वी स्वतःशी दीर्घ मानसिक आणि शारीरिक लढाई केली होती.
थोर्प यांचे वयाच्या 55 ​​व्या वर्षी 5 ऑगस्ट रोजी निधन झाले. त्यांच्या मृत्यूची घोषणा इंग्लंड आणि वेल्स क्रिकेट बोर्डाने केली. तेव्हा मृत्यूचे कारण सांगितले नव्हते. थोर्प यांच्या पत्नीच्या हवाल्याने सांगितले गेले – ‘पत्नी आणि दोन मुली असूनही ते सावरू शकले नाहीत. ते खूप आजारी होते आणि त्यांना वाटले की आपण त्यांच्याशिवाय चांगले जगू आणि त्यांनी आपला जीव गमावला आणि आम्ही उद्ध्वस्त झालो.’
थॉर्प यांनी 1993 ते 2005 दरम्यान इंग्लंडकडून 100 कसोटी सामने खेळले. यासोबतच ते इंग्लंडच्या वरिष्ठ पुरुष संघाचा फलंदाजी प्रशिक्षकही होते. 2022 पासून ते गंभीर आजारी होते. त्यांची अफगाणिस्तानच्या मुख्य प्रशिक्षकपदीही नियुक्ती करण्यात आली होती. मात्र, त्यांना त्यांचा कार्यकाळ पूर्ण करता आला नाही.
आपल्या 13 वर्षांच्या आंतरराष्ट्रीय कारकिर्दीत, थॉर्प यांनी इंग्लंडसह सरे क्लबसाठी काही महत्त्वाचे सामने जिंकले. या फलंदाजाने सरेकडून काउंटी क्रिकेट खेळले आणि संघासाठी जवळपास 20,000 धावा केल्या