पृथ्वीला तात्पुरता मिळणार नवा चंद्र

वॉशिंग्टन
आपल्या पृथ्वीच्या चंद्राला लवकरच एक नवा जोडीदार मिळणार आहे. एक छोटा लघुग्रह पृथ्वीभोवती फिरत आहे. हा लघुग्रह पृथ्वीच्या गुरुत्वाकर्षणात अडकेल आणि 29 सप्टेंबर ते 25 नोव्हेंबर या कालावधीत पृथ्वीभोवती फिरेल.या लघुग्रहाचे नाव 2024 PT5 आहे. हा लघुग्रह 7 ऑगस्ट रोजी नासाच्या लघुग्रह टेरेस्ट्रियल-इम्पॅक्ट लास्ट अलर्ट सिस्टमद्वारे पाहण्यात आला आहे.
पृथ्वीभोवती फिरणाऱ्या 2024 PT5 या लघुग्रहाचा आकार फार मोठा नाही, त्याचा व्यास फक्त 10 मीटर (33 फूट) आहे. हा लघुग्रह 53 दिवस पृथ्वीभोवती राहील. मात्र या काळात तो एकही परिक्रमा पूर्ण करू शकणार नाही. कारण तो घोड्याच्या नालाच्या आकारात पृथ्वीभोवती फिरणार आहे. कालांतराने तो पृथ्वीच्या गुरुत्वाकर्षण शक्तीने बाहेर ढकलला जाईल.रिसर्च नोट्स ऑफ अमेरिकन ॲस्ट्रॉनॉमिकल सोसायटीमध्ये प्रकाशित झालेल्या अहवालानुसार, पृथ्वी अनेकदा अशा लघुग्रहांना आपल्या गुरुत्वाकर्षण शक्तीमध्ये खेचते. काही लघुग्रह पृथ्वीभोवती एक किंवा अधिक प्रदक्षिणा घालतात, तर काही पृथ्वीची कक्षा अर्धवट सोडून जातात.
यापूर्वी 2006 मध्ये देखील एक लघुग्रह पृथ्वीच्या गुरुत्वाकर्षण शक्तीमध्ये अडकला आणि जुलै 2006 ते जुलै 2007 पर्यंत एक वर्ष पृथ्वीभोवती फिरत राहिला. 2022 मध्येही असेच काहीसे पाहायला मिळाले होते. लघुग्रह 2022 NX1 ने 1981 आणि 2022 मध्ये पृथ्वीभोवती अपूर्ण चक्कर मारली होती, आता 2051 मध्ये तो पुन्हा पृथ्वीजवळ येण्याची शक्यता आहे.

.