संघ मालकांचे टेन्शन वाढले

प्ले ऑफमध्ये जाण्यासाठी नेट रन रेट महत्वाचा
मुंबई
इंडियन प्रीमियर लीग (आयपीएल) २०२४ च्या १७व्या हंगामात प्ले ऑफमधील स्थानासाठी अनेक संघांमध्ये चुरशीची लढत सुरू आहे. आतापर्यंत दोन वेळा आयपीएल विजेता कोलकत्ता नाईट रायडर्स संघाने प्ले ऑफचे तिकीट मिळवले आहेत तर याच पार्श्वभूमीवर आता इतर काही संघामध्ये नेट रनरेटच्या जोरावर प्ले ऑफच्या तिकिटासाठी अटीतटीचा संघर्ष पाहायला मिळू शकतो.
नेट रनरेट म्हणजे संघाने फलंदाजीत केलेल्या धावांमधून संघाने गोलंदाजीत लुटवलेल्या धावा वजा करून मोजला जातो. जर एखाद्या संघाने २० षटकांऐवजी १७.५ षटकांत लक्ष्याचा पाठलाग केला तर रनरेट २० षटकांत नव्हे तर १७.५ षटकांत मोजला जाईल.
चेन्नई संघाने आतापर्यंत १३ सामने खेळले असून गुणतालिकेत तिसऱ्या स्थानावर आहेत तर, संघाचा नेट रनरेट +०. ५२८ आहे. प्रत्येक सामन्यात केलेल्या धाव खेळल्या गेलेल्या षटकांनी भागाव्या लागतात. सीएसकेने स्पर्धेत आतापर्यंत २,३३३ धावा केल्या आणि एकूण २५४.४ इतके ओव्हर खेळले तर २३३३ धावांना २५४.४ ओव्हरने भागाल्यानंतर ९.१६० इतका रनरेट होतो.चेन्नईने गोलंदाजीत २५४.३ षटकात २१९७ धावा लुटवल्या म्हणजेच त्यानुसार त्यांचा रनरेट हा ८. ६३२ इतका होतो तर आता ९.१६० मधून ८. ६३२ वजा केले तर तुम्हाला ०.५२८ मिळेल जो चेन्नई सुपर किंग्जचा सध्याचा रनरेट बनतो.
आयपीएलचा हा हंगाम निर्णायक परिस्तिथी पोहोचला असून फक्त कोलकत्ता संघाने प्ले ऑफचे तिकीट मिळवले आहे तर प्ले ऑफच्या शर्यतीतून बाहेर पडणारा मुंबई हा संघ पहिला संघ ठरला आहे. आयपीएलच्या प्ले-ऑफची अजूनही सहा संघांना संधी आहे. राजस्थान रॉयल्स (१६) आणि सनरायझर्स हैदराबाद (१४) या संघांनाही पात्रतेची चांगली संधी आहे तर चेन्नई सुपर किंग्ज, दिल्ली, लखनौ सुपर जायंट्सचे प्रत्येकी १२ गुण आहेत. त्याबरोबर आरसीबी संघांचे आव्हान अजूनही कायम आहे.