चांगला वाचकच चांगला लेखक बनू शकतो

पुस्तक प्रदर्शन उद्घाटनप्रसंगी मुकुंद फडके यांचे उदगार

सातारा

चांगला वाचकच चांगला लेखक बनू शकतो त्यामुळे प्रत्येकाने प्रयत्नपूर्वक वाचनाची आवड जोपासणे गरजेचे आहे असे प्रतिपादन ज्येष्ठ पत्रकार लेखक मुकुंद फडके यांनी केले
दीपलक्ष्मी सहकारी पतसंस्थेच्या सभागृहामध्ये आयोजित पुस्तक प्रदर्शनाच्या उद्घाटनप्रसंगी बोलत होते यावेळी व्यासपीठावर शिरीष चिटणीस, प्रा रमणलाल शहा डॉक्टर संदीप श्रोत्री,ऍड सीमंतिनी नुलकर आणि विनायक भोसले उपस्थित होते
या सर्वांच्या हस्ते दीप प्रज्वलन करून पुस्तक प्रदर्शनाचे उद्घाटन करण्यात आले
मुकुंद फडके पुढे म्हणाले, ग्रंथसंपदा ही खऱ्या अर्थाने संपत्ती आहे पुस्तक वाचनाच्या सवयीमुळे प्रत्येकाच्या मनातील कल्पनारम्यता आणि विचारक्षमता वाढू शकते आपण ज्या गोष्टी वाचलेल्या आहेत त्या प्रत्यक्षात कशा असू शकतील याचे चित्रण मनातल्या मनात करायची सवय वाचनाच्या निमित्ताने लागू शकते आयुष्याच्या प्रत्येक टप्प्यावर वाचनाची सवय माणसाला आधार देऊ शकते

कोणतेही कुटुंब दरमहा इतर गोष्टींवर विशेषतः मोबाईल किंवा टीव्ही रिचार्ज किंवा हॉटेलिंग याच्यावर जेवढा खर्च करते त्याच्या तुलनेत दरमहा पुस्तके खरेदी करण्याचे प्रमाण अतिशय नगण्य असल्याची खंतही यावेळी मुकुंद फडके यांनी बोलून दाखवली
डॉ संदीप श्रोत्री म्हणाले, दीपलक्ष्मी पतसंस्थेचा हा उपक्रम अतिशय स्तुत्य असून सातारमधील अनेक लेखकांनी आपली पुस्तके या प्रदर्शनामध्ये वाचकांसाठी उपलब्ध करून द्यावीत या व्यतिरिक्त आपल्या वैयक्तिक ग्रंथालयामध्ये जी पुस्तके आपली वाचून पूर्ण झाली असतील ती सुद्धा अशा प्रदर्शनांमध्ये जर कमी किमतीमध्ये विक्रीसाठी किंवा अदलाबदल योजनेसाठी उपलब्ध करून दिली तर त्याचा वाचकांना मोठा फायदा होऊ शकेल
ऍड सिमंतिनी नुलकर यांनी सुद्धा या प्रदर्शनाच्या उपक्रमाचे कौतुक केले आणि पुण्यामध्ये ज्या प्रकारे वाचक संस्कृती विकसित होत आहे त्याच धर्तीवर सातारामध्ये सुद्धा वेगळी वाचक संस्कृती विकसित करण्याचे काम अशा प्रकारची प्रदर्शने करतील असे अशी आशा त्यांनी व्यक्त केली
प्रा रमणलाल शहा म्हणाले, प्रत्येकाने दरमहा पुस्तके खरेदी करून स्वतःचे वैयक्तिक ग्रंथालय विकसित करणे गरजेचे आहे मराठी भाषेतील काही ठराविक लँडमार्क पुस्तके तर प्रत्येक मराठी माणसाच्या घरात असायलाच हवीत पुस्तके खरेदी करून वाचण्याचे प्रमाण खूपच कमी आहे त्यामध्ये वाढ होण्याची गरज आहे
दीपलक्ष्मी संस्थेचे संस्थापक शिरीष चिटणीस यांनी कार्यक्रमाचे प्रास्ताविक केले आणि या उपक्रमामागील भूमिका स्पष्ट केली
दीपलक्ष्मी पतसंस्थेचे व्यवस्थापक विनायक भोसले यांनी आभार मानले
हे प्रदर्शन 5 सप्टेंबर पर्यंत दीपलक्ष्मी सभागृहामध्ये चालू राहणार आहे सातारकर वाचकांनी त्याचा लाभ घ्यावा असे आवाहन यावेळी करण्यात आले