22 जुलैला पृथ्वीवर नवं संकट

एक मोठा लघुग्रह पृथ्वीवर आदळण्याची शक्यता

वॉशिंग्टन
अमेरिकेची अंतराळ संस्था नासाने जगासाठी मोठा अलर्ट जारी केला आहे. या अलर्टनुसार 22 जुलैला एक मोठा लघुग्रह पृथ्वीवर आदळण्याची शक्यता आहे. याचा मोठा फटका मानवजातीला बसण्याची शक्यता आहे.या लघुग्रहाचे नाव अपोलो एमजी 1 आहे, हा लघुग्रह बोईंग 767 विमानाइतका लांब आहे आणि त्याचे वजन या विमानापेक्षा खूप जास्त आहे.
या लघुग्रहाची लाब 220 फूटाच्या आसपास आहे. हा लघुग्रह ताशी 73 हजार किलोमीटर वेगाने अंतराळात फिरत असून पृथ्वीच्या दिशेने सरकत आहे. नासाने दिलेल्या माहितीनुसार हा लधुग्रह 22 जुलै रोजी भारतीय वेळेनुसार पहाटे 3:01 वाजता पृथ्वीवर आदळू शकतो किंवा पृथ्वीच्या जवळून जाऊ शकतो. हा ग्रह सुमारे 4.2 दशलक्ष किलोमीटर अंतरावरून पृथ्वीच्या दिशेने वेगाने येत आहे. त्यामुळे वैज्ञानिकांची चिंता वाढली आहे.अपोलो हा लघुग्रह 1862 मध्ये सापडला होता. या लघुग्रहापासून तुटल्यानंतर तयार झालेला आणखी एक लघुग्रह पृथ्वीवर आदळून विनाश घडवू शकतो. मात्र तो पृथ्वीच्या कोणत्या भागाला धडकणार याबाबत माहिती समोर आलेली नाही. नासाच्या अंतराळ शास्त्रज्ञांचे म्हणणे आहे की, जेव्हा लघुग्रह पृथ्वीच्या वातावरणात प्रवेश करतात तेव्हा ते जळून खाक होतात किंवा पृथ्वीवरही आदळतात. ते पृथ्वीवर आदळल्यास 2013 मध्ये झालेल्या चेल्याबिन्स्क आगीसारखी दुर्घटना घडवून आणतात.
हा लघुग्रह पृथ्वीवर धडकण्याची शक्यता कमी असली तरी नासाचे शास्त्रज्ञ त्यावर बारीक लक्ष ठेवून आहेत. नासाचे शास्त्रज्ञ लघुग्रहाचा मागोवा घेण्यासाठी रडार यंत्रणा आणि दुर्बिणी वापरत आहेत. या लघुग्रहाचा वेग लक्षात घेता त्याचा मार्ग बदलण्याचीही शक्यता आहे.
याआधीही एक लघुग्रह पृथ्वीजवळून गेला होता. 8 जुलै 2024 रोजी हा लघुग्रह ताशी 65 हजार किलोमीटर वेगाने पृथ्वीच्या जवळ आला होता पण पृथ्वीवर आदळला नव्हता. या लघुग्रहाचा व्यास अंदाजे 260 फूट होता. तसेच यापूर्वी 29 जून रोजीही असाच एक लघुग्रह पृथ्वीच्या जवळून गेला होता.शास्त्रज्ञांच्या म्हणण्यानुसार, लघुग्रह पृथ्वीवर आदळला तर त्याचे भयंकर परिणाम होतील. यामुळे घटना घडलेल्या ठिकाणी मोठा विनाश घडू शकतो. मात्र ही घटना घडण्याची शक्यता खूप कमी आहे. त्यामुळे चिंता करण्याची गरज नाही