८ निष्पाप चिमुकल्यांची हत्या

अमेरिका हादरली; कौटुंबिक वादातून हिंसाचार

लुईझियाना :
अमेरिकेतील श्रीवपोर्ट येथे झालेल्या या अंदाधुंद गोळीबारात ८ चिमुकल्यानी आपले जीव गमावले आहेत. या प्रकरणाने स्थानिकांमध्ये भीतीचे आणि दहशतीचे वातावरण पसरले आहे.श्रीव्हपोर्ट येथे सकाळी ६ वाजता एका वादातून लहान मुलांवर गोळीबार करण्यात आला. ही मुलं साधारण ६ ते १४ या वयोगटातील असण्याचा अंदाज पोलिसांचा आहे. मुलांव्यतिरिक्त हा गोळीबार आणि २ व्यक्तींवर करण्यात आला आहे. परंतु त्याबाबत माहिती अजून समोर आलेली नाही. गुन्ह्याचे ठिकाण तीन वेगवेगळ्या ठिकाणी पसरलेले असल्याने तपास आणि चौकशी अधिक गुंतागुंतीची झाली आहे.
लुईझियाना पोलीस प्रशासनाने स्पष्ट केलं आहे की हि अशी घटना असा हिंसाचार हा अत्यंत दुर्मिळ आहे. हे प्रकरण जस दिसत आहे त्याहूनही अधिक मोठे आणि गंभीर आहे. गोळीबारात हत्या झालेल्या आठ पैकी ७ मुले हि हल्लेखोरावही स्वतःची होती त्यामुळे ही घटना कौटुंबिक वादातूनच घडली असावी हा पोलिसांचा अंदाज आहे.
संशयित आरोपीचा पोलीस प्रशासनानाने पाठलाग केला आरोपी आणि पोलिसांमध्ये काही काळ चकमक झाली. यात संशयित ठार झाला आहे.
पोलिसांनी नागरिकांना आवाहन करत या प्रकरणाशी कोणताही पुरवा, कोणतीही माहिती सापडल्यास, फोटो किंवा व्हिडिओ समोर आल्यास तात्काळ पोलीस प्रशासनां-शी संपर्क साधावा असे आवाहन करण्यात आले आहे. या दुर्मिळ हिंसाचारामुळे स्थानिकांमध्ये भीतीचे वातावरण निर्माण झाले असून, परिसर हादरला आहे. पीडितांना योग्य न्याय मिळावा अशी मागणी सध्या जोर धरत आहे.